XXVIII Ғ.Қосанов Мемориалы» халықаралық жарысы

Есептегіш

5

Күн
Алматы

IAAF президенті Лондонда Азия құрлығының федерацияларының өкілдерімен кездесті

02.08.2017

239
IAAF президенті Лондонда Азия құрлығының федерацияларының өкілдерімен кездесті 1 тамыз, Лондон. Солдан оңға қарай – IAAF президенті Себастьян Коэ, Азия жеңіл атлетика қауымдастығының президенті Дахлан Аль-Хамад және бас хатшы Морис Николас Азия құрлығы федерацияларының өкілдерімен.

Кеше Ұлыбритания астанасы Лондон қаласында әлем чемпионатының алдында IAAF президенті Себастьян Коэ және Азия жеңіл атлетика қауымдастығының президенті Дахлан Аль-Хамадтың қатысуымен Азия құрлығының федерациялары өкілдерімен кездесу өтті. Қазақстан жеңіл атлетика федерациясынан бас хатшы Лашын Аймағамбетов қатысты.

Халықаралық жеңіл атлетика федерациялары қауымдастығының  (IAAF) конгресі мен әлем чемпионатының алдында Себастьян Коэ әрбір құрлықтың өкілдері кездесу өткізеді. 1 тамызда IAAF басшысы Азиядан келгендерді қабылдады. Кездесуде Азия жеңіл атлетика қауымдастығының президенті Дахлан Аль-Хамад пен бас хатшы Морис Николас болды. Жиында IAAF пен Азия жеңіл атлетика қауымдастығы арасында алдағы даму жоспары талқынады.

Ал Қазақстан жеңіл атлетика федерациясы қауымдастығының бас хатшысы Лашын Аймағамбетов Азия жеңіл атлетика қауымдастығының президенті Дахлан Аль-Хамадпен жеке кездесті.

– Бұл біздің алғашқы жеке кездесуіміз. Генерал Дахланмен әңгіме барысында Азия құрлығында жеңіл атлетиканың беделін арттыруды және алдағы бірігіп атқаратын жұмыстарды талқылады, – дейді Лашын Аймағамбетов.

Айта кетейік, IAAF конгресі 3 тамыз күні Лондон қаласында өтеді. Ал әлем чемпионаты 4 тамызда басталып, 13 тамызда аяқталады.

Тізімге қайта оралу