Ашхабадтағы Азия ойындарына Африканың босқын атлеттері де қатысатын болды

Ашхабадтағы Азия ойындарына Африканың босқын атлеттері де қатысатын болды

Түркіменстан астанасы Ашхабад қаласында өтетін жабық кешендегі Азия ойындарында жеңіл атлетикадан Африканың 5 босқын атлеті де қатысады.

Олар Азия Олимпиадалық кеңесі атынан өнер көрсетеді. Босқындарды танымал кениялық марафоншы Тегла Лорупе бастап келеді. Сондай-ақ бір жаттықтырушы мен екі өкілі бар.

Босқын-спортшылар құрамы мынандай: Пауло Амотун Локоро (1500 м), Виюал Пуок Денг (400 м), Гай Янг Тап (800 м), Укук Утху Бул (3000 м), Йек Пур Биель (800 м).

Босқындарды Ашхабадтағы Азия ойындарына Тегла Лорупенің қоры іріктеп алды.  Барлығы да Судан мемлекетінің оңтүстігінен. Екеуі 2016 жылы Рио Олимпиадасына қатысқан (Локоро мен Биель). Ал қалғаны халқыралық жарыста алғаш рет өнер көрсеткелі отыр.

Тізімге қайта оралу